Page 96 - Archaická tibetská literatura (7.–10. století)

Mytická vyprávění

mkhar gyi rtse lha/ phyi lha dang nang lha/ sgo lha dang bdun no/ /lha rje thog rtsan dang
khab gtsang le shod sman du bshos pa’i sras dpal lha dgur gyes te/ dpal stong rtse/ dpal
rdzing dang/ lha pho dang/ dpal rta pho dang/ dpal mdung ’phrang mdung dang/ dpal po
che he brag dang/ dpal ’bring lcang ’bring dang/ dpal ’jug ting ’jug go//

lhe rje zin gdags dang bsal ’jon ma bshos pa’i sras/ zhing lha tshangs pa/ chu lha byang
yug/ dog lha mon bu/ ka ya rtsan po’i nang lha/ mu ya btsan po’i nang lha/ tshes lha smang
po’i bu lha’o/ /de ltar drug ni dpon gyi skabs na sbal kha drug tu ’dren no/ /sring mo thang
nga lha mo las gyes pa ni/ nang lha yum bcu dang ’khrig mo bu dgu’o//

bar gyi bdun tshigs te rmu yul (du) bshugs te sras ni gnya’ khri gar (bar) gyi bdun tshigs
te/ yar yab dang gcen la gnod/ mar yum dang gcung la gnod nas/ zhang zhung yul du song
zhig bka’ bsgo ste ’gror ma nyan pa la dkor gyi rnam pa mang po dang/ sku srung blo’u rin
chen mched bdun dang/ sku lha lha ga ya dang mu ya dang/ lhe glang ru kar dang/ dung
’phar po ’phar chung dang (bcas) byin nas gnam rim pa bcu gsum gyi steng du zhang po
rmu rje btsan po’i yul ngam ’brang lcang ’brang du gshegs te bzhugs so//

zhang rmu yul gyi thang thang gi sras mo mched gsum la/ phu mo dre rmu dre btsan
mo dang khri gar (bar) gyi bdun tshigs bshos pa’i sras des yum gyi lhums nas gsol pa/ kye
yum gcig yar gshegs na ni yum grongs ’gro/ mar gshegs na ni sras mnol bas sgal pa’i mkhar
gcig dbye bar gsol byas nas/ sog phrag g.yas pa nas byon nas ma’i gnya’ ba nas byon pas/
mtshan yang khri btsan po btags so//

’bring mo dre btsun rmu mo dang mi bon lha bon dang rgya ’brong tam chen po bshos
pa’i sras ’chi med gshen gyi rmu rgyal tsha dang/ ce’u gshen gyi phyag dkar tsha gnyis so/
tha chung dre rmu rde dang/ stangs sa bla mgon bu bshos pa’i sras kyis kyang yum gyi
lhums nas gsol pa/ yar ’gror yum ’grongs/ mar ’gror sras btsog pas rtsib ma’i go bar dbye
bar gsol byas pas/ rtsib ma’i go bar nas bltams pas mtshan yang rtsibs kyi lha skar ma yol
lder btags so//

yab gangs khyad khyud dang yum mun thab thib du bshos pa’i sras skye bo lus kyi lha
lnga byung ste/ sku las ’khrungs pa’i sku lha bre dgu/ thugs las ’khrungs pa’i srog lha nyams
chen/ mgul las ’khrungs pa’i mgur lha byang zhur/ ljags las ’khrungs pa’i ljags lha ’phul po/
tshig las ’khrungs pa’i sras tshig lha gur bu’o//

dus skabs de tsam na bod khams pha dgu la rgyal phran bcu gnyis kyi srid ma theg ste/
’dun ma bsdus nas mchid bsgros pas/ ’o skol la rje bden pa mthu dang rdzu ’phrul can gcig
btsal dgos na ga na yod ces bsgros pas/ bar snang nas lha’i sgra bsgrags pa/ bka’i (ka ye)

95