Page 45 - Archaická tibetská literatura (7.–10. století)

ARCHAICKÁ TIBETSKÁ LITERATURA

drI gum btsan po sku chung ba ’I tshe mtshan jIr gdags shes / / ma ma gro zha ma skyi
brling ma la drIs na / ma ma ’I mchid nas / skyI brag mar ba nI rnyil tam ma rnyil / dang
ma ’bri spangs nI myes tshig gam ma tshIg / mtsho dam le dbal mtsho ni skams sam ma
skams shes mchi / brag ma rnyIl / mtsho yang ma skams spang yang myes ma tshig ces
bgyisna / ma ma gro zha ma / rgas nas rna log par thos ste / brag kyang rnyil / spang yang
myes tshig / mtsho yang skams shes thos nas / / ’on tang chu dgum sri dgum gyIs / drI gum
btsan por mtshan thog shig ches mchi nas / / drI gum btsan por mtshan btags nas / mtshan
btags nongste / thugs su yang zhugs / lde sras myI ’i myi tshul te / mngon bar dgung du
gshegs pa la stsogs pa ’phrul dang byIn ched po mnga’ bas / drod dang dregs ma thub ste /
/ btsan ’dran bda’ nas / yab ’bangs pha dgu’ dang / yum ’bangs tshan gsum la dgra ru rgal
g.yag du drung phod dam zhes bka’ stsal na / so so nas kun gyis myI phod ches gsol to / lo
ngam rta rdzis kyang myi phod ces gsol pa las ma gnang ste / / ’ung nas lo ngam gyIs gsol
pa / de ltar myI gnang na / lha ’i dkor mdung rang ’debs dang / ral gyI rang gcod dang
/ khrab rang gyon dang / phub rang bzur la stsogs pa / ’phrul gyi dkor ched po mnga’ ba
’I rnams bdag la stsal na phod ces gsol to / de nas lha ’I dkor tham shad stsal to / ’ung nas
lo ngam rta rdzI yang / mkhar myang ro sham por sngar mchIs so / btsan po yang myang ro
sham por / gshegs nas / myang ro thal ba tshal du g.yul bres nas / ’ung nas rta rdzI ’i mchid
nas / dbu’ ’breng zang yag kyang gchad du gsol / dbu’ skas sten dgu’ yang kha thur du bstan
du gsol nas / de rnam gnyis kyang de bzhin gnang ngo / /’ung nas lo ngam gyIs glang po
brgya’ la / gser gyI mdung rtse nyis brgya’ rvala btags te / rgyab du thal ba bkal nas / glang
nang ’thab ste / thal ba gthor nas / de ’I nang du lo ngam gyis brgal to / btsan po dri gum
lde bla gung rgyal gyis gnam du drangs na / lo ngam gyIs mchan nas spre ’u pyung bas /
lde bla gung rgyal ni ti tse gangs rum du ’phangste gshegs so / / btsan po dri gum yang de
ru bkrongs nas / spur zangs brgya’ kha sprod gyi nang du bcug ste rtsang chu ’I gzhung la
btang ngo / chab gzhug ser tshangsu klu ’od de bed de ring mo ’I ltor gshegs so / / sras gnyis
kyang sha khyI dang nya khyIr btagste rkong yul du spyugste bkye ’o / / ’ung gI rjes la rhya
mo rhul bzhi khugs dang / sna nam btsan bzhong rgyal gnyis / / srId kyi khyi bo che ’on
zugs yar grags dang / ’jang gI zu le ma ’jang dang ’on rku gnyis kyi spu la dug bskuste /
’phrang po ’i brag g.ya’ bo ’da’ nas / pho la ltasu bltas na ltas bzang ste yul myang ro sham
po drung du lhags nas / thabs kyIs bsgyud de / khyI ’i spu la dug yod pa da nga ’I rta rdzis
khrid nas / khyI bzang po lo ngam gyi lagis byugs pa dang / nga ’I rta rdzIs khyi ’I spu la
dug bskus pas lag pa byug ste bsad de / sha blan no / / ’ung gI ’og du bkrags kyI bu lha bu

44