Page 46 - Archaická tibetská literatura (7.–10. století)
P. 46
Literatura z Tun-chuangu
ru la skyes pha tshan dang / / rhya pha tshan du ’thabs so / rhyasbkrags rabs bchad / dud
sna pho lo / / bkrags kyI chung ba gchig bros te / pha mying gI yul du thar to / lto na bu
khyer te song ba byung ngo / / bu spus la ’greng nus tsam nas / ma la myI gang bya gang la
rjo bo yod na nga ’i rjo bo gar re / myi gang bya gang la / pha yod na nga ’i pha ga re zhes
zer to / nga la ston chig ces mchi na / ma ’I mchid nas / myI ’u chung kha ma che shig / rte
’u cung kha ma drag nga myI shes shes byas na / spus kyI bu ngar le skyes kyi mchid nas
/ nga la myi bstan na shIr ’gro zhes bgyis pa dang / mas kyang gdod bstan te / khyod kyi
pha nI rhyas bsad do / khyod kyi jo bo btsan po ni / lo ngam rta rdzIs bkrongste / spur ni
zangs brgya’ ma kha sprod kyI nang du bcug ste / rtsang po ’i gzhung la btang ngo / chab
gzhug ser tshangs su / klu ’o de ring mo ’i ltor gshegs so / / sras mched gnyis nI sha khyi
dang nya khyIr brtagste / rkong yul du spyugste bkye ’o / / ’ung nas spus kyi bu ngar la skyes
kyi mchid nas / nga myI rlagi ni rjes gcod / chu rlag gi ni dbres tshol du ’gro zhes mchi nas
/ chaste song ngo / rkong yul bre snar du sras sha khyI nya khyi dang yang mjal lo / / klu
’o de bed de ring mo dang yang mjal lo / / btsan po ’i spur jI ’dod pas blu zhes byas na /
gzhan jI yang myI ’dod / myi ’I myig bya myIg ltar ’dug pa ’og nas ’gebs pa gchig ’dod ces zer
nas / / spus kyi bu ngar la skyes kyis / gnam mtha’ bzhir btsal kyang myi ’i myig bya myig
dang mtshungs ’og nas ’gebs pa ma rnyed nas / brgyags chad lham bugste / slar ma ’I gan
du ’ongs nas / myI rlag gi nI rjes chod / chu rlagI ni dbres kyang rnyed do / sras sha khyi
nya khyI dang yang mjald / klu ’o de ring mo dang yang mjal na / spur gyi glud du / myI
’i myig bya myig dang mtshungs ’og nas ’gebs pa gchig ’dod ches zer na ma rnyed kyIs / da
dung tshol du ’gro dgos kyis / brgyags thog shig ces mchi nas song ngo / / gang par ’phrun
gyi ’og du pyin na / cho myi bya ’I bu mo zhig yur ba byed pa ’I gan du song na / bu khu ljo
na ’dug pa zhig / myig bya myig dang mtshungs ’og nas ’gebs pa gchig ’dug nas / de blu na ji
’dod ces ma la drIs na / ma na re gzhan myI ’dod / nam nam zha zhar / btsan po rje dbyal
zhig nongs na / thor to ’phren mo ni bcings / ngo la mtshal gyis byugs / lus la ni bzhags /
btsan po ’i spur la nI ’tshog / myI la ’phrog [-]om / zas la nI za ’thung / de ltar bya ’am myi
bya zhes mchi nas / de bzhin bgyi bar / mna’ bchad mtho’bchad / dam bgyIs tshIg bgyis nas
/ / cho myI bya ’I bu mo khrid de song ngo / / klu ’o de ring mo ’i ltor spur gyI klud du bcug
ste btang ngo / nya lha gnyIs kyis btsan po ’i spur bzung ngo / gyang to bla ’bubs kyi mgur
du bang so brtsigso / gcung nya khyI nI yab kyi mdad gtong ngo / gcen sha khyI ni yab kyI
sku mtshal gnyer du gshegso / nya khyi ni rkong dkar po lagso / dmag sum stong sum rgya
zhig dang chaste gshegso / mkhar pying bar gshegso /
45
